Keunstprojekt Breewar.nl

Fan 21 oktober 2001 oant 21 juny 2002 koe hjir it keunstprojekt www.breewar.nl folge wurde. It projekt fan Henk de Boer, útfiert űnder de flagge fan Stifting "De Paupers", draaide om it eardere eilântsje Breewar yn de djipste polder fan Fryslân. Yn dizze kronyk fan it plattelân waarden de bewenners, de natoer en de skiednis folge en koe dei oan dei sjoen wurde wat dat foar gefolgen hie foar it kreative proses en de ynspiraasje fan de keunstners.

Fan it hiele projekt "Breewar" is in CD-rom makke. Dizze CD-rom kin tsjin de kostpriis fan 7.50 euro besteld wurde fia info@breewar.nl. It komplete wurk stiet der op:

* De hiele website www.breewar.nl *De paupers-website *De Skarl-website *De fideo-opnames *De útstjoering fan "Spegels" sa't dy op Omrop Fryslân te sjen wie *Alle muzyk *Foto's *Kritiken út de kranten en oare publisiteit *Reaksjes fan besikers.

Under de links "it gemaal" en "it kikkertkonsert" binne stikjes muzyk te hearren, doch it lűd dus oan!

Sjoch ek by "hânfol hokkelingen" foar de maitiid

Der binne wer in pear nije gedichten fan Jacob Bouwhuis taheakke.En in ferhaal by "it gemaal"

Nije tekeningen en foto's fan turfmeitsjen by bewenners en by de link "it gemaal/aaisykjen" en foto's fan de winter. Sjoch de plannen by "dat sil grif feroarje"

Węz net te gau tefreden en sis nei in pear klikjes hjir stiet neat op. Mar nim de tiid en bledderje troch dizze site. Gean op sjou troch Breewar en węz net benaud om te ferdwalen. Dan pas sjochtst de aardigste saken en kinst dy in foarstelling meitsje fan it teater.

Al tűzen kear bin ik hjir troch hinne rűn. En likefolle kear fernuvere ik my der oer dat ik op de boaiem fan in mar stie. Kopke űnder yn de Warkumermar. Sawat trije meter űnder de seespegel. En op healwei kaam ik dan dy eigenaardige bulte foarby. Breewar. In eilân op it droege. Mei in hânfol hokkelingen as bewenners, dy't fanôf dizze hichte noch like dom mar wol folle fierder de wrâld yn sjen kinne.

Ik woe der wat mei dwaan. As byldzjend keunstner. Yn myn holle wie ik al op it eilân. En siet op it bankje dat ik der delsetten hie. Under in dak fan beskildere doeken. Wer de sinne troch hinne skynde sadat de kleuren noch moaier waarden. En op dat bankje soene de minsken fan de stilte genietsje moatte. Pas dan soene se yn de gaten krije hokfoar lűden by it plattelân heare. "De Kapel Fan Breewar" soe it hjitte moatte, want it eilân wie fan de tsjerke.

De seespegel woe ik ferbyldzje. En ik soe in muzykstik meitsje wolle fan it gemaal dat der net mear stiet. Dat grutte gebou węryn in masine it wetter jier yn jier út op peil hold. No sjochst der allinne noch mar in lyts kastke stean.

Gedichten! Ja, gedichten moat ik ek meitsje!... Jacob Bouwhuis... dy moat ik freegje. Hy skriuwde eartiids gedichten, as JacGB, oer Breewar en de mar. Hy wie dęr berne. Lykas myn skoanmem dy't mei har famylje yn in húske by it stoomgemaal wenne. De Teernstra's en de Feenstra's mei harren bern en dęr de bern wer fan.

Dy minsken moat ik ha. Minsken dy't in bân mei Breewar en de mar hawwe. Dizze "markikkerts" kinne my it ferhaal fertelle. Sy kinne de ynspiraasjeboarne węze foar myn artistike útspattings. Dizze gewoane minsken binne de haadpersoanen yn "Breewar.nl".

Okkerdeis haw ik myn skoanmem, Marie Visser-Muller, frege. Se wie goed tweintich jier doe't se yn 1943 troude en út de mar en de earmoed wei gie. Sy kin weromsjen en oer it ferline fertelle.

Doe bin ik nei Jitte Feenstra stapt. De fyftich foarby en hikke en tein yn de mar. Hy wennet deun neist Breewar en der moatte in protte Pronken en Brinkhorsten oan te pas komme om him der wei te krijen.

Foar de jongste generaasje sille Matteke en Anna ferslach dwaan. Wolle se der wei? Moatte se der wei?

Mids juny 2002 wol ik it projekt ôfslúte mei "it Kikkertkonsert" oan de Holle Mar. Dizze maitiid op in moaie soele jűn haw ik de lűden fan de kikkerts opnommen op bân. De groep "Skarl", mei gitarist Philippus (fan Jitte) Feenstra, sil in muzykstik meitsje mei dizze kikkerts yn de haadrol.

Elke dei meitsje ik trije foto's fan trije fęste lokaasjes. Besjoch se mar. It bin der in soad, dat it duorret wol efkes. Dizze foto's wol ik dan brűke as dekor by in foardracht oer de seizoenen. Troch se efter elkoar te projektearjen űntstiet in koarte film oer trije fearnsjier Breewar.

Elke wike kinne jim hjir sjen wat der oan skilderijen, gedichten, nijs en plannen bijkommen is en wer ferdwynt. Sa kinne jim stap foar stap folgje wat der úteinlik yn de earste wiken fan juny 2002 op de keunst en teater foarstelling te sjen is.

Reaksjes binne fanselssprekkend fan herte wolkom nei reaksjes@breewar.nl en kinne mei nommen wurde yn de foarmjouwing fan dit projekt. Klik hjir mar...

Sa no en dan nimst in foto en komme der tinzen yn dy omheech. Dan knoopst inkelde foto's oan elkoar mei in ferbinende tekst. Dat is al in bytsje teater.