FOARBY

Syn stimlûd sette

it span hynders

hymjend yn beweging

de beagen kreaken

't swit glom

en de sinne wist fan gjin ophâlden

it meande fjild

sprute wer út

en like as nij

syn sêfte stimlûd

jeide 'n inkelde fûgel op

doe't de fuotten net mear rûnen

de hannen te rêsten leine

en syn stimme net mear spriek

fregen twa wurge eagen

nei de ûngetiid

dy't gjin ûngetiid mear wie.

JAC. G. B.